إسرافيليات : ملي الفاتيكان كعا على جيمس بوند وقاليه ماتبقاش تمارس الجنس أداك الخايب !

إسرافيليات : ملي الفاتيكان كعا على جيمس بوند وقاليه ماتبقاش تمارس الجنس أداك الخايب !
الاربعاء 21 ماي 2014 - 21:3

فحال اليوم من سنة 1965 ،فالجريدة الرسمية ديال الڤاتيكان "لوبسرفاتور رومانو" ، الفاتيكان أعلن عن غضبه من شخصية جيمس بوند واعتبرها "عنيفة وسادية وساذجة ومحبة للجنس" ،ماشفوش ابطال البورنو بحال بيتر نورت و رون جيريمي ..أما كون اعتبارو جيمس بوند سلفي مقارنة بالمسخ ديال بصح ،ديك الساعة كان البابا هو پول السادس ( بولوس سيكستوس ) ،غا سميتو مشبوهة، وتاهي فيها الجنس ! المهم ماعليناش ، عوض أن الفاتيكان يغضب من القساوسة الذين يعيتون فسادا في مؤخرات الأطفال ،ومن التاريخ الدموي للكنيسة ، ومن النصب والإحتيال ديال صكوك الغفران والوعود بفيزا للجنة كيما كان تيدير السيد عباس الفاسي فقضية النجاة ديال الإمارات، بان ليهم غا بيتر برتون وديموند لويلن لي تيترزقو الله بهاد الفيلم !

وراه هادي ماشي اخر مرة غايغضب الفاتيكان ، راه داير بحال المرأة لي تيسلخها راجلها ،ديما غضبانة ، خرج دافينتشي كود ،هو يكعا ، لايدي غاغا دارت اغنية على سيدنا عيسى هو يكعا ، لوحة اندريس سيررانو واسمها "البول على المسيح" هو يعربط، فيلم ملائكة وشياطين حتى هو ..وظيفة إحتجاجية ومقاربة أخلاقوية للأعمال الفنية ومحاولة لوضع كل عمل فوق سرير بروكروست ، الفاتيكان مايبدع مايخلي لي يبدع، ولكن دابا راه لاباس غاتيحتج اما في قديم الزمان كان تيسفط بنادم للاَخرة ديريكت ، مكاين غالحرق او قطع الرؤوس ، مثلا جيوردانو برينو ،فيلسوف وعالم تم إحراقه بتهمة الزندقة وإنكاره لألوهية ياسوع ، الساط كان واعر ،هو من طور نظرية الهيلوسونتريزم ولاتناهي الكون ، تم قتله بعد 8 سنوات من التعذيب !

الفاتيكان من العصور الوسطى حتى الستينيات راه ماقال تاوحد ،حارب الجميع ،مونتينيه ،ديدرو، فولتير،بالزاك ،وحتى لاروس مقالوش عليه ، حتى لي تيأمنو بالله بحال ديكارت وكانط وبركيلي ..مخلاهومش ترانكيل ، اما الكفار الكبار بحال نيتشه وشبنهاور فقد صادر كتبهم ! وكانت الكتب توضع فيما يسمى "أندكس " وكان غير ف سنة 1948 تيجمع ماينيف عن 4 اَلاف كتاب كلها محظورة ، وغا أمهات الكتب ديال كبار المفكرين من داروين ودوز على هيجل وسارتر ودوز على جاليليو لي زڭلو الفاتيكان بشوية ،اما كون حرڭوه مسكين حيث تم الحكم عليه بالإقامة الجبرية والمنع من الزيارات وتلقي الرسائل والأبحاث ،مما يعني أنذاك "الموت علميا" ، وتا كتاب الأمير ديال ميكيافيلي تحظر ،ماخلاو والو غا روايات عبير وكتب أحلام مستغانمي لي بقاو !

ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بموضوعك الجميل
بين سحر حروفكِ التي
ليس لها مثيل

دمت بألف خير

» ليلى الشنا: أول ممثلة في تاريخ السينما المغربية و أول فاتنة هزمت " جيمس بوند"
» محاكمة غير مسبوقة لكبير خدم بابا الفاتيكان في قضية سرقة
» دراسة تكشف عن أن المرأة التي تمارس الجنس مع الرجال فقط هي الأقل نشوة جنسيا