hamid المديرالعام ; صاحب المندي الادارة العامة
عدد المساهمات : 3926 نقاط : 11789 السٌّمعَة : 3801 تاريخ التسجيل : 04/05/2010 العمر : 63 الموقع : ksar el kebir maroc
| موضوع: " مول المليح باع وراح" السبت مايو 21, 2011 7:46 pm | |
| " مول المليح باع وراح" أضيف في : 7-5-2011 الساعة : 14:16 سين ريال ... سن ريال ... كل حاجا سين... كل حاجا سين ... الريكلام ... الريكلام "
عبارات وغيرها يرددها الباعة في سوق الجوطية او ما يمكن اصطلاحهم به بالفراشة و
صحاب الريكلام . فتراهم يصرخون بقرجوتاتهم المبحوحة للفت انتباه الزبائن والكليان ...و
لربما تنخفض الاثمتة لتصل الى عشرة دريال في بعض الاحيان ( الازمة الاقتصادية وتضارب
البورصة مع الازمة الرأسمالية في اندونيسيا وسيدي بولقنادل ... المهم هادشي طويل
وبزاف على بحالك يفهمو ... انا براسي مافهمتو ) ...
هاهي دي حليمة سكوليتة كاريان العزيب قادمة من بعيد في كامل زينتها وملابسها
المزركشة بمشيتها العوجاء تحاول تقليد عارضات الازياء (عاجبها راسها) فجأة يمر من
امامها كبور بكروسته وهو يصرخ " بــــــــــــــــــآآآالـــــــــــــــيك .... باليك ... باليك " تصرخ
في وجهه وابشوية عليك اهاد بنادم " يعود كبور بكروسته مارشاريان ثم يقترب ويصرخ
في وجهها ( هدرة مخلطة مع الدفال خاصها سويكلاس مع هاد خينا) :" السوق ماشي
ديال باك ويلا كنتي ماركاريتا انا هو ديابلو " ينظر اليها في غضب تم يبتعد وهو يجر
كروسته في حين تتبعه بنظراتها وهي تتمتم " يشويني فيك ابوزبال" ثم تمضي في
طريقها ... فجأة يقع بصرها على حمان القلدة ديال السوق وهو يصرخ بهتافاته وشعاراته
ليزور الكليان عرام جوطيته . تتسارع دقات قلبها ... يغمزها وتغمزه ( مزعوطة فيه صافي
لون طون) تقترب منه وهي في كامل سعادتها في حين ينظر اليها وهو يتمتم "
حليــــــــــــــمة ... حبي ..." ( فيلم هندي ... ) تسأله " بشحال البياسة أ حمان ؟؟؟"
يجيبها " والله ماناخد منك حتى شي ريال ختاري البياسة لي عجباتك وخوديها كادو مني
" تجيبه والسعادة ظاهرة على ملامح وجهها المطلي بصبايغ " لا ... هادشي ماغادياش
نقبل... الى بغيتيني نتقدا من عندك ونولي كليانة ديالك خاصني نخلصك " يجيبها
والحشمة بادية عليه ( علاه بحال هاد الماركة كاتحشم بعدا ؟؟؟ الله اعطينا وجهو ) : "
واخا أ الزين مايكون غير خاطرك ... غير لي عطيتيني انا قابل بيه ) ... تنحني حليمة
وتقلب ... تنبش ... وتنبش في العرام ( بحال الى غاديا تجبد ميت ) في حين ظل حمان
ينظر اليها في تركيز شديد ( عينو زايغة ) وبعد نصف ساعة من البحت المضني ... اختارت
اخيرا عشرة دلبياسات وقدمتها له ليضعها في بلاستيكة ثم قالت :" شوف غانعطيك
درهم على كل بياسة ... دونك (زعما مجهدا فالفرونسي ولا كيفاش؟؟) غاديا نخلصك
سبعة دراهم ( وجها مقزدر وقاصح) يبتسم حمان وهو فاهم الستون ... تبحث في
بزطامها عن الصرف ثم تخرج ميتين درهم ( الله وعلم منين دبرات عليها) وتقول :" شوف
الزين ديالي ... والله ماعندي الصرف ... غاديا ناخد البياسات وغدا نجيب ليك الفلوس "
وفي لحظة مباغثة يأخد منها حمان الميتين درهم ويقول و الحنان يغمر لكناته :" الله اودي وعلاه انا اش كاندير الزين ديالي ... بقاي حاضيا العرام نمشي نصرف ليك وهاني جاي (
بغات دير ليه الميقليب صدق دارو ليها ) ... ومضى الوقت ومضت الساعات ولم يظهر
حمان ولا الميتين درهم ... نعم لقد قلع ودار من هنا دازو ....
المثل تايقول " مول المليح باع وراح" | |
|
ابن سينا
عدد المساهمات : 296 نقاط : 352 السٌّمعَة : 44 تاريخ التسجيل : 20/08/2010 العمر : 55 الموقع : قرطبة ( إسبانيا )
| موضوع: رد: " مول المليح باع وراح" الأربعاء سبتمبر 28, 2011 8:38 am | |
| جدا ممتاز..
الله يعطيك العافية
أتمني أن يثبت | |
|
mariam mariam : الوسام الدهبي
عدد المساهمات : 1842 نقاط : 1957 السٌّمعَة : 77 تاريخ التسجيل : 10/06/2011 العمر : 34 الموقع : أكادير المغرب
| موضوع: رد: " مول المليح باع وراح" الخميس فبراير 28, 2013 10:10 pm | |
| ما اقول غير
لا حرمنا من منك ولا من روعة حضورك وتميزك يارب
ودي واحترامي | |
|